| |
|
Guía de los árboles d'Asturies.
Bertu Ordiales
Guillermo César Ruiz.
Editorial Trabe
Uviéu, 2006
|
| |
Esta Guía de los árboles d'Asturies, la más completa
publicada hasta agora, recueye 95 especies d'árboles
que se puen atopar pelos montes asturianos, con información detallada de cada planta, tanto no tocante a la botánica, como a aspectos culturales o llingüísticos. Asina, de cada especie ofrezse'l nome científicu, la familia a la que pertenez, la denominación n'asturianu y gallego-asturianu más comunes, y otros sinónimos, amás del nome en castellanu, portugués, francés, alemán, inglés.
Tamién se da la so etimoloxía, la descripción de les sos característiques y del hábitat onde miedra, los sos usos tradicionales y aplicaciones, la toponimia asturiana rellacionada col so nome y, nun apéndiz, otros datos d'interés, como les posibles variedades del frutu. Indícase, igualmente, si se trata d'una especie melicinal o comestible, si ta protexida o si ye tóxica.
Con cásique 500 fotografíes a color, dibuxos de los tipos de fueyes, frutos, inflorescencies y conos, la obra complétase con una breve y útil introducción a la botánica, y con dos amplios glosarios, uno botánicu y otru melicinal. Por último, l'indiz de nomes vulgares recueye más de 1.000 términos en llingua asturiana.
Los autores, Bertu Ordiales y Guillermo César Ruiz, que yá publicaron en 2002 la magnífica 21 rutes de senderismu per Asturies, ofrecen agora una obra de referencia, na que combinen rigor científicu y amenidá, y que va satisfacer a los amantes de la naturaleza y de la cultura asturiana.
(Contraportada del libro)
***
|
| |
Árbol, buen árbol
Árbol, buen árbol, que tras la borrasca
te erguiste en desnudez y desaliento
sobre una gran alfombra de hojarasca
que removía indiferente el viento Hoy he visto en tus ramas la primera
hoja verde, mojada de rocio,
como un regalo de la primavera,
buen árbol del estío.
Y en esa verde punta
que está brotando en ti de no sé de dónde,
hay algo que en silencio me pregunta
o silenciosamente me responde.
Sí, buen árbol; ya he visto cómo truecas
el fango en flor, y sé lo que me dices;
ya sé
que con tus propias hojas secas
se han nutrido de nuevo rus raíces.
Fragmento de Poema de árbol',
José Ángel Buesa |
|
| |
La Guía de los árboles d'Asturies pretende ser una ferramienta más nel estudiu de los árboles del nuesu país, pero tamién un instrumentu de recuperación de la llingua vernácula cola qu'eses especies se conocieron de forma tradicional n'Asturies y fuera de la nuesa actual frontera alministrativa.
Poro, non sólo consultamos bibliografía asturiana, sinón tamién muncha otra de zones arreyaes al dominiu llingüísticu del asturianu, como son en Lleón (Los Argüeyos, Cabrera, Altu Bierzu, L.laciana, Babia, Sayambre), Salamanca (El Rebollar, Los Arribes), Zamora (Senabria, La Carbayeda, Aliste, Sayugu), Portugal (Miranda) y Cantabria (Llébana).
D'otra miente, los usos tradicionales de les diferentes partes de les plantes como elementos melecinales que describimos son a titulu informativu, nun faciéndonos responsables d'una mala alministración por parte del usuariu.
Finalmente, cola presente guía tamién queremos contribuyir a una meyor conocencia de la naturaleza, lo qu'esperamos redunde na so proteición, porque ensin ella nun esistiría nenguna cultura.
Los autores.
|
| |
|
