Lleendes asturianes
Actividaes de recoyía de lleendes de tradición oral
coordinaes por la profesora
Vanesa Fabián Álvarez
IES Benedicto Nieto.
1. EL MIO RAYÁN .
Lleenda recoyía por Raquel Bernardo Marinero (3ºE)
Informantes : Ánxel Bernardo Espina (güilu), Claudia Argüelles García.
Esta hestoria comenzó nun pueblu del conceyu d'Ayer llamáu Rayán, anque una vez que se dio a conocer esti sucesu, conozse más como "El mio Rayán". Esta hestoria asocedió fai casi cien años, y pese a ello, con tolo que pasó naide del pieblu foi a olvidala.
Too comenzó una nuechi como otra cualquiera nun bar que se llamaba Bar Rayán. Esti bar yera d'una señora d'unos noventa años que nun se dexaba ver muncho, siempre taba nel desván acunando a la so nieta. Una nueche, cosa rara, taba la cuna cola neña dientro abaxo nel bar, la neña nun lloraba y lo más raro yera que la cuna movíase sola. Cuando la xente se dio cuenta, miráronse unos pa otros entós, un paisanín de la barra, foi a echar mano a la cuna pa que parara, yá que nun había naide ellí que la moviere nin corriente d'aire que pudiera facelo. Nel momentu en que'l paisanu tocó la cuna foi como si dalguién-y diera un golpe y lu aventara lexos. Entós, los paisanos más xóvenes molestáronse y llegaron a ser seis a la vez los qu'intentaron parar la cuna ensin llogralo.
Dempués d'aquella nueche entamaron a ocurrir coses mui rares, coses qu'anantes enxamás asocedieran. Oyíense arrastrar cadenes pel castañéu más transitáu de tol puiblu, entós la xente prefirió dexar de pasar per ellí y los que s'atrevíen caíen enfermos. Esto selo bien porque un paisanu que se llamaba Xuan yera'l pá d'ún de los amigos de mio güilu, y por facese'l valiente y por nun rodiar nun se-y volvió a ver con vida.
La xente yá taba mui revuelta y tola culpa echáben-yla a la dueña'l bar, polo qu'esta prefirió nun dexase ver más pa que nun la persiguieren. Llegó a establecese un toque de queda, así me lo contó mio güilu. Nun se podía tar fuera casa a partir de les diez de la nuechi, polo que pudiera pasar...
Ún de los fechos más relacionaos con esti toque de queda foi'l problema de los mineros que teníen qu'entrar de nuechi a trabayar y de los que terminaben el turnu tamién de nuechi. Los qu'entraben pasaes les diez quedábense en Morea pa que nun-yos pillara'l toque de queda y los que salíen optaben por quedase abaxo en Morea o en casa d'amigos o familiares. Incluso habíalos que trabayaben más hores pa nun tener que marchar de la mina, o na mesma cai se quedaben.
Al rodiu d'esti famosu toque de queda cuntáronme'l casu de dos mineros que subíen de la mina. Ún diose cuenta de que pasaben más de les diez, entós díxo-ylo al so amigu cola intención de dar la vuelta o quedar onde taben, l'amigu echó una risotiada y dixo: "Yo nun creo neses coses y amás tengo ganes de llegar a la mio casa". L'otru contestó-y: "Fai lo que quieras, yo nun te sigo". Entós separáronse, el primeru metióse na entrada d'una casa abandoná cola intención de pasar ellí la nuechi, acurrucóse embaxo un bancu de piedra y tapóse cola chaqueta que traía. L'otru sin embargu siguió p'arriba perdiéndose na oscuridá. Naide foi quien a volver a velu enxamás.
Un día, tando la mayoría de los paisanos del puiblu aconceyaos onde'l bar, ún dixo: "A ver quién s'atreve a subir al famosu desván onde tantu tiempu pasaba aquella muyer". Ente los paisanos taba'l mio bisgüilu Fernando, al que toos llamaben Fernandín. Mio güilu contóme siempre qu'esti home enxamás tuvo mieu a ná nin a naide, por eso ye qu'aquel paisanu supo bien a quién-y pedir que subiera y el casu ye que foi mio güilu'l que subió. La xente qu'ellí taba dixo que baxó dempués d'una hora mui pálidu y sorprendíu, y toles veces que-y entrugaron él siempre dixo que nun viera ná, y que d'haber visto dalgo tampoco diba decilo por si pasaba cualquier desgracia.
La paisana diose a ver un día pa pedi-y a la nieta que tanto mecía, que cuando tuviera morriendo la buscara, que fuera onde ella pa poder conta-y lo que nun-y quería contar a naide. Namás podía compartir esi secretu cola nieta, y namás podía facelo cuando tuviera a pique de morrer.
L'asuntu foi enfriando col pasu'l tiempu y llegó'l día señaláu: la vieya taba morriendo y naguaba por cumplir el so deséu, necesitaba conta-y a la so nieta aquel secretu que guardara tola vida. La nieta foi tolo rápido que pudo, pero de poco-y sirvió, naquella dómina nun había coches y había que desplazase andando o a caballo. Asina que cuando quiso llegar yá yera tarde, la vieya morriera y con ella llevó pa siempre la verdá del mio Rayán. Esta muyer morrió con 104 años y enterróse en Busdongo.
Yo personalmente falé cola nieta, qu'agora ye una señora mayor. Díxome qu'ella sabía munches coses, como que la güela vía coses mui estrañes relacionaes con muertos, y que so bisgüela, la ma d'esa misteriosa muyer, yá dixera que la fía nun yera una neña como otra cualquiera.
Tamién tuvi nel famosu desván y lo que más me llamó l'atención foi que la silla onde la señora se sentaba pa mecer a la nieta taba impecable, como nueva, como si los años nun pasaren per ella.
2. EL PRAU LA FLOR
Lleenda recoyía por
Raúl Fernández Rubín (2ºE)
y Óscar Rey Martínez ( 2ºF )
Informante :
Cesarea Rubín Álvarez (Piedracea)
Como se dijo en las leyendas del Prau la Flor, no todas las versiones coiniciden y se inclinan hacia el mismo lado y en un mismu prau, a la hora de levantar la Capilla donde está hoy. Hay alguna versión que, con la misma estructura literaria, se inclina a levantar una iglesia en la misma Pola. Y así parece que ocurrió de alguna forma.
Según esta versión -mucho menos divulgada, desarrollada- los pueblos más fonderos del valle, los de La Pola y alrededores, querían la capilla más abajo; más cerca y al servicio de la villa, de la zona más urbana y más poblada. Y así, regogen estos alumnos -alumnos de entonces, claro- hay una leyenda en asturiano, que lo atestigua: según ella, la iglesia de La Pola se habría levantado también por iniciativa de un milagro semejante. Así entrevistaron a Cesárea en Piedracea:
"Vivió va munchos años una paisanina que diba tolos díes a dar un paséu pela carretera Tablao. Salía dende Piedracea, facía el paseo a Tablao, y volvía pel camín al prau la Flor.
Pero un día, poco antes de llegar al prau La Flor, paró nuna fonte a beber agua; y cuando acabó de beber, topó un filu blancu mui brillante. Apañólu y siguió'l filu hasta llegar al mismu prau La Flor, onde precisamente ehí, acabóse'l filu. Y nesi momentu, a la paisanina apaicióse-y la virxen, y dixo-y que nesi mesmu llugar diba facese una ilesia.
Foi la paisanina muy asustá pal pueblu y cuntólo a los vecinos, Ansina, al cabu d'un mes, entamaron tolos paisanos del puiblu Piedracea facer la ilesia onde dixo la virxen, y punxéronse a llevar pal prau les vigues. Pero al día siguiente les vigues apaicieron na Pola.
Muy intrigaos tamién los paisanos, xubieron les vigues de nuevo, finaron la ilesia nel prau; y xubieron después la virxen que había na Pola pa la ilesia de La Flor; pero tampoco hubo manera: al otru día, la virxen apaició otra vez na ilesia de Pola".
En fin, esta es la otra cara de la moneda: la otra versión de los que querían la iglesia en su pueblu. En el mismo conceyu Lena tenemos el ejemplo en la famosa disputa que cuenta la Leyenda de la Virxen de Bendueños, cuando los de Campomanes xubieron antes una parexa de bueyes, muy buena y muy fuerte, pa baxar la imagxn del preu La Fuente Santa pel camín de Campomanes, cuesta abaxo; pero los gües nun pudieron con ella; en cambio, pañáronla la parexa de gües más pequenos flacos, y xubiéronla na carreña, y cuesta riba, sin más problemas. Aquí la versión se inclinó sólo hacia la Iglesia Bendueños, donde está hoy. Pero esa relativa rivalidad por una imagen sigue latiendo en cualquier versión por disputas parecidas (ver la versión completa).
3. EL SELTU'L DIABLU
Lleenda recoyía por Irene Alonso Dorrego y Aarón Fernández Delgado (2ºE)
Informante : Emilio Delgado Delgado (Rospaso)
Cuenta la lleenda que taben dos amigos nuna pena y habíen apostao que'l que consiguiera saltar d'esa pena a la d'enfrente yera'l meyor.
Cuando saltó'l primiru, a metá'l camín cayú al suilu y matóse. Dempués, salió l'utru y casi cuando taba en suilu abrú unes ales y entamó a volar. Poco dempués, convirtióse nun diablu.
4. EL NENU DEL MILAGRU
Lleenda recoyía por Sandra Ferrero González y Juan Francisco Santos Pérez (2ºE)
Informante : Marisa González Pulgar (Payares)
Fae munchos años, en Payares, cayó una avalancha pel mediu'l puiblu llevando toles cases que topó al so pasu. La xente que vivía nelles quedó sepultá.
Cuando paso'l peligru, el restu los vecinos foron sacando supervivientes, nun topaben negún pero, de sópitu, al sacar a una muyer, fixáronse en que tenía coyíu nos sos brazos un nenu recién nacíu y taba vivu, por ello'l nome que-y pusieron foi esi: el nenu del milagru.
Volver a creación juvenil