San Martino
Torna asturiana fecha polos alumnos/as:
Vanesa Fernández Álvarez, Braulio Fernández Pérez.
Profesora: Sofía González Lázaro.
• L.lugar de la parroquia de Vil.lal.lana (L.lena), na escondida vaguada enantes de les pequeñes altiqueres y rel.lanos que dan vista a Retruel.lés. Ta a 5kms. de la capital municipal, y s'al.luga a unos 440 ms d'altura. Tien una población de 31 habitantes censaos. Dispón d'una pequeña y floreciente industria cárnica familiar.
• Destaca en medio del pobláu la ilesia medieval de San Martino, a pesar del estáu nel que quedó va poco, revocada la piedra per fuera con cementu y desmantelada d'imáxenes y maeres nel so interior. Un casu más de contaminación patrimonial, arquitectónica y artística nesti casu.
• La ilesia de San Martino, reconocida nel patrimoniu hestóricu asturianu al comienzu de los años ochenta, caltién, nun ostante, en bon estáu los remates con figures de piedra tallaes nos salientes esteriores de los cabrios baxo'l teyáu: animales fantásticos, pendones, gallardetes, cruces, rosetones... La contaminación sovencionada tovía nun terminó con el.los.
• Y tres la ilesia ta'l Palaciu: casona en piedra, dalgo conservada y col so portal al saliente. Más pal este ta La Retoral, con una parte en ruines y otra reparada de va poco.
