.Etiquetas, tags, palabras clave: leyenda, fuente La Teyera, Casorvía
Foto de Gloria Muñiz PrietoLa xana de Casorvía:
La Fuente la Teyerapor Rufino Ceferino Vallejo Castañón.
CasorvíaPasó ya el tiimpu de las xanas, pero yo, de guaje, busquélas, con un poco de mieo -too hay que decilo-.
La fuente La Teyera ye conocía pe l'agua frío, y bono, Nos setiembres de seca, presta beber un caciplaín a la sombra los ablanos de la vera. Está pel camín de La Guariza, tres El Sutu.
El nombre La Teyera ha de venir de la época la encarrilá, y dígolo porque en Las Regás, cerquina, hubo un forno pa facer ladrillos pa los túneles y puentes del ferrocarril; consérvase algún entavía baxo el felechal y en los pocos pareones que quedan; y con las pozas pa facer el barro.
El quesu ye que dizse que, antiguamente, hubo una xana y, claro, colaría col ruyiu d'aquechas máquinas de vapor, porque yo nunca la topé. La historia contómela mio güilu, y, tal como me la dixo, dígovosla.
"Na Fuente la Teyera vivía una xana, encantá, que curiaba unos pitinos d'oro y tos los días sacábalos al sol, cuando lu facía. Un día pasó una muyer que diba pa Aller, pe La Mortera y Carraceo; paróse a beber y apaizúse-y la xana diciendo:
"Si tú vas pa Caborana
dii a la mio hermana Xana,
que me venga a ver mañana,
que si non nun me vei más".Escurro que'l día siguiente yera l'únicu posible pa desfacer el encantamiintu, pero la hermana tsegó terde y la xana sigú na fuente curiando los pitinos pa siempre".
Y curiar vela los guajes, al dir catar agua a La Fuente la Teyera: con un poco mieo, pero de bona gana
El quesu ye que de guaje, pel tiimpu la yerba, (pe Las Regás, abríase calzá el 15 xulio), mandábanme dir a catar agua a La Teyera; yo tenía algo de mieo de topar la xana y diba con munchu cuidao pa que nun me oyera tsegar y poder vela yo antes; pero ¡que si quiés!, nun la vi ni una vez.
Así que cuando xubáis per aquel camín, paraivos a char un traguín na fuente y nun tengáis mieo, que la xana, si sal, nun fai ná.
Foto aportada por Rufino
volver a otras leyendas
Volver a PORTADA
Volver a ÍNDICE detallado de la PÁXINA