Costumbres, tradición, gastronomía, trabajos rurales, vida vaqueira, saber popular
 
Una estaferia comunal
nel Aula de Tecnoloxía:
un horro
fechu a medias por alumnos /as y profesor
(detsas tsabores de Xerardo García González
nel Istitutu Pola Tsena)
 


l'horro en miniatura,
comparáu col edificiu del Istitutu Benedicto Nieto
(hasta paez al natural y too) .

 
Desde un emprecipiu
trabayaron los alumnos/as:

Abel Fandiño,
David Gutiérrez,
Javier Grova,
Jorge Fernández,
Katerine Montero,
Lara Rodríguez,
Rubén Fernández
 
Fueron poniendo las bases del edificiu:
los pegotsos, el pilpayu, las muelas...
 
Manos a la obra,
alumnos/as y profesor,
armaron el cuadru,
las colondras, los trabes,
los liños, liñolos y sobreliños
los engüelgos, las pontas y pontones,
el tillao, el sovigañu...

 
Con los detalles
aprendíos de los paisanos de los pueblos:
por exemplu, l' ensamblaxe del armazón
que abraza el cuadru enteru
del edificiu:
l'armazón del horro.
 
O el remate mesmu
del teyao:
el cantapaxarín,
sobre la cruceta mesma .
 
Y poco a poco ensamblando l'horro
dabaxu arriba, en sin una punta
(sólo tornos de maera):
l'aguilón, las aguileras,
las cornialeras, el durmiente,
el correor, la portuga...
 
Con el detalle del correor:
los tornos de maera,
antes tan calculaos pa que
los guajes pequenos nun metieran
la cabeza y s'esbruciaran en suilu
De ahí lo de correor, claro
(onde corrían mientras los padres
y güelos trabachaban )
 
Ya medio rematáu,
en sin teya entavía:
la tecnología rural va funcionando
entre los escolares desde bien pronto.
Bona señal.
 
Y al completu:
gracies, gracies asgaya,
al profesor teverganu, Gerardo,
(en sin olvidar a los collacios
y collacias que,
pe lo menos,
tuvieron motivaos pa facelu a medias).
Nun ye pocu
 


La verdá ye que da'l pegu:
paez al natural y too.
Con la subioria ya queda al completu
(nun falta más que saber
ónde tienen escondía la tsave) .
Fotos cedidas por Gerardo García González.

***

 

Rematamos tamién l'horro
con la poesía de
Francisco González Prieto
.

"Y'un caxón de castañu sofitáu
sobre cuatro pegollos nos pilpayos,
aguilones, cabrios y pingayos,
qu'aguanten pe les ripies y el teyáu.

Facen pe les xuntures ensambláu
las colondras, embelgos y los gayos,
co los trabes que paecen espantayos,
puestu na basamenta y afianzáu.

La subidoria ta con escalones
desapará por mor de los ratones,
pos va la talandoria p'hacia fuera;

s'abre la puerte sin delgún engorru
pa'l que quiera subir y entrar al horriu;
mas, si tien seis pegollos, ye panera".

***


Foto de José Andrés Moreno

 

Otros trabayos de Etnografía rural

Otros trabayos sobre Lena

Índice alfabético de materias