Díes de muncho
Antón García:
Díes de muncho."Cuando taba too cargao en carru y ya díbemos ponenos en marcha asomó güela pela ventana la cocina y llamóme, qu'entrara un momentu. Ellí endientro metióme nel bolsu'1 pantalón un billete nuevu, flamante, de quinientes pésetes, quiciabes los aforros de tola vida de quien nunca tuvo una perra que fora d'ella de verdá, y abrazóme al so cuerpu diminutu y flacu, siempres vistíu de negro, dexándose llorar.
-Curíate muncho, nenín, malañu pal pecáu, ¡ai Dios!, qué va ser de ti peí mundu, mió inocente.
Yo quería dici-y dalguna frase de consuelu, que quedara tranquila, qu'otra xente marchara del pueblu enantes que nos y nun pasara nada, pero tenía anoyada la garganta y sabía que de dicir una sola palabra tamién yo diba poneme a esberracar. Separóme un poco d'ella, arreglóme'1 pelo coles manes, llimpió les llárimes que-y cayíen pela cara.... "
***