Costumbres, tradición, gastronomía, trabajos rurales, vida vaqueira, saber popular
Etiquetas, tags: extremeño, dialecto local, lengua

 

Textos extremeños:

A) La experiencia.
Chamizo

Ven p'acá, hija mía,
que yo soy ya vieja
y ya di ese paso que tú das agora,
y viví esa vida que Ilamamos güena

y estrujé mis ojos pa secame el Ilanto,
que a juerza de Ilanto m'entró la experencia.
Mi Juan mesmamente paece un chiquillo,
y tú eres mu nueva,
y sus quereis mucho, y teneis ajorros,

y estáis mu solitos dambos en la tierra...
¡ y este pícaro mundo estan güeno
con los que así empiezan...!
Con cosinas durces sus van engatusando,
sus tapia los ojos,

sus jace promesas,
y aluego se ríe,
dispués que sus ceba
y sus eja solos erramando jieles
por el sumiero de vuestra concencia.

Hija de mi arma,
si paece mentira
que ya estéis casaos dambos po la Iglesia;
si a mí me paece que sois dos muñecos entavía,
Teresa, pa dirse con tiento pa gastá los cuartos,

p'atendé a los gorpes de las desigencias,
pa jacé, jormales, el troncón rebusto
d'una nueva casta que dé castas nuevas:
unos chirivines que paescan d'azogue,
qu'estrujen, qu'arañen, que muerdan la teta,

que lloren con genio, qué estrocen, que chillen
que jagan pucheros al jacegle fiestas...
¡Míala cómo jimpla la recandongona
cuando se le palra de cosinas tiernas!
Ascucha, hija mía,

y no t'encapriches con tu comenencia,
que la vida es corta,
mu corta y mu güiena
pa los que vivimos de nuestro trabajo
y estamos contentos con nuestra probeza.

Hay que ver y cómo refalan los días,
y pasan los años,
y s'hace una vieja,
rebuscando siempre lo desconocío,
siempre suspirando por cosinas nuevas

***

B) Diálogo entre dos comadres
Malpartida de Plasencia

- Buenoj diaj tía Antoña.
- Buenoj moloj de Dio Lúdia. ¿Aonde ba V. tan temprano?
- Poj mira boy a pol un comino de agua pol que quiero mazal unoj panedillo y aluego ilme a Pladencia a molel

una maquililla.
- Y tu ¿ande baj Ludia?
- Poj yo boj apol doj perra daguardiente pa Zajinto, pol que le tengo maIo y tiene unoj comitoj que le dejcahngan tuyto.

- Poj di ¿como no ce lo didij al meico? No cea que baya acel enfermeá! No modobligara el didilcelo.
- Ay tia Antoña me boy polque no cea que Zajinto me Ilame.
- Bueno poj que te baya bien Ludia.

- Baya V. con Dioj tia Antoña.
- ¡Ay! Ludia jar faboI.
- ¿Que ce la ofrece a V.?
- Poj mira Ludia ci te baga ala tarde badamicada, polque mandicho ca 1a tarde ay bayle enel cadino, y a mi no me

jade gracia que baya aezoj baylej la mi Anicacia pol que ezoj baylej dagarroj paece que loj mozoj laj Ileban abrazaj alasj mozaj y no jaden maj que illaj contando tuytaj laj zartaj del ejpinado, y mira ami no mejido farta il aloj cadino pa cadalme con un buen mozo, y rico,

poj noce cijuera la mi muchacha menuo zarmorejo me la jadian, aciej que badami cada ici ella quiere il no la dejej tu que baja. Mijte que demonio de baylej! cuanto mejol eran loj que en mij tiempoj jadiamoj en la praza de pandereta! alo menoj tuytaj zabiamoj bailal, yo zabia

echal la carrerilla, y el brincoteo y jata tocal la pandereta, y echal buenoj cantarej, mira aora mijmo ceme biene ala majinacion uno, beraj que te le diga:
Here(j) dunconfite branco
metio en una reoma
zolo la dalaj te fartan
para cel branca paloma.

- Ay! tia Antoña que me entretiene V. mucho.
- Mira mujel como abia orbiao que tienej prieza, poj jata otro dia Ludia y que no cea na lo de Zajinto.

- Jata otrodia Antoña y yo jadre pol il ala tarde a zu cada

Para la escritura y la fonética, las ortografías extremeñas, ver la web: https://enestremenu.com

Otros textos regionales

Índice alfabético de materias

Esquisa literaria