Costumbres, tradición, gastronomía, trabajos rurales, vida vaqueira, saber popular
por Xulio Concepción Suárez

.

Xelín

Ánxel Álvarez Fernández, Xelín el de Mercedes, o el de Jesús el de Taína (Piñera Baxo), ye un d'esos personaxes l.linizos que pasó la so vida dedicáu a cultura asturiana en sus diversas fasteras. En Mieres foi maestru d'escuela pública, como aquel.los maestros de antes, siempre dedicáu a los mozacos, nun sólo colos l.libros, los l.lapiceros y las l.libretas, sinon tamién colas raíces del pueblu: la cultura l.lariega asturiana. Ansina foi profesor de l.lingua castellana, de l.lingua asturiana, de música...

Aunque vive n'Uviéu, caséu y con una fíya, sigue apeguéu al l.lugar de nacimiintu, na casa'l güilu en Piñera Baxo, la Casa'l Tíu Pedro. Y sigue enganchéu a la música asturiana, por eso canta na Coral Dafne de Uviéu, aunque la so mayor afición ye cantar nos chigres una vez a la selmana con un grupu de collacios. Y como él mesmu diz:

"Tamién me presta muncho tocar la curdión, pero como entamé de mayor, entovía voi a clases. Como me presta collaborar colos mios vecinos del pueblu nes xeres comunitaries y soi el secretariu de la Asociaciónde Piñera Baxo, dende va seis años.

Del trabayu nel pueblu lo que más destacaría son les obres que ficimos pa adautar la escuela a un centru social. La mayor parte d´estes obres ficímoles a base de estaferies y el trabayu d´un grupín de vecinos que pasen munchos fines de selmana arreglando y meyorando'l pueblu.

Por ciertu, dientro poco ye la fiesta parroquial de San Xuan, y nosotros en Piñera Baxo vamos cellebrala con foguera, chocolatada, xuegos tradicionales, conciertu de gaita y toná, baile y misa".

En resumen, ye Xelín el de Mercedes ún d'esos lenenses que siempre mantuvo la idea, la vista y el sentimientu a medias entre el pueblu y la ciudá, el trabayu na docencia y el trabayu na comunidá de vecinos que sigue viva nel Val.le Güerna, n'unos tiempos onde tanta falta fayen paisanos y paisanas que sigan participando nas estaferias, nas esquisas, nas fiestas del l.lugar, aunque ya sólo seyan de cuándo en cuándo, o daqué vez al añu. Pero sigue viva la memoria del pueblu.

Volver a pueblos

ÍNDICE alfabético de materias

Pasar a información cultural