Costumbres, tradición, gastronomía, trabajos rurales, vida vaqueira, saber popular

Pote de castañas
(torna asturiana)

Cuenta María José (Sidrería Lobo) el proceso para su receta del pote asturiano de siempre, a su vez aprendida de María, en Tuíza Riba:

- "Escuéyense con cuidao les castañes mayuques; una vez limpies, en sin un pulgu nin corteyu, échense a remueyu el día antes, como si fueren fabes; y cuécense a parte, cambiando ca poco l’agua pa quita-yos el dulzorín mayor.

Al mismo tiempu, n’otra pota cuécense les fabes con el compango, y añádensi-os les berces y les castañes, una vez en su puntu, siempre antes que se desfagan.

Pal compango, sirve de tóo: como facían les güeles antes: morciella, chorizu, costiella, llacón, tocín, uñes de gochu, oreyes, llengua embuchá... Vamos un poco de tóo: ahora hay-lo; antes, con la mesa rodiá de mozacos, casi yera un milagru ver el pote tan animáu.

La tarta castañes. Ya bien fartucos, siempre queda un furacu pal placer completu. Pa la tarta, escuéyense les castañes fresques, del tiempu, recién dumíes o pañáes ente la fueya limpies ya de los arizos. Una vez asaes (nel forno, sobre la chapa o nel tambor), bien pelaes y sin pizcu de pulguín, pásense pol pasapuré, o pol molinillo de les nueces.

Por 1/2 kilo de castañes, 1/2 d’ azúcar y media docena güevos. Amásase la pasta d’hojaldre pa poner de fondo, y espárdense les castañes molíes per cima. Cuécese la masa nel forno hasta quedar doraína: como 20 minutos".

Versión francesa

Volver a gastronomía

Volver a les castañes

Volver a Índice alfabético de contenidos