Costumbres, tradición, gastronomía, trabajos rurales, vida vaqueira, saber popular
por Xulio Concepción Suárez

.

Solu

Celso Amieva

Dexó l'antoxana,
los cuetos, los castros...
La neña, en'a villa.
yo, aquí, atristayáu.

Alluendi, perlloñe,
troneyen campanos
de les xates suyes.
Ándenla buscando.

Atapez. La tardi
tá ya apigazando.
... La neña, si güelve,
¿golverá pa cuádo?

Aprobez la vida;
caltiense, esnalando.
Cuten siete llárimes
en el campanariu.

El corazón fríu
llate picu abaxu.
Ximielga con murria
la fueya'l carbayu.

Yo, solu, yo solu.
Y el llar, apagáu.
La calamiyera
s'esmena despaciu.

Pingo... pingo... pingo,-
sonsaña l'orbayu.

Volver a Esquisa literaria

Índice de autores

Índice de contenidos de la páxina