LOS PELOS DEL FILANGUIRU
Alfredo García Dóriga (¿1890?)
Pechu el de Pinón de Rita,
Conceyón hasta el zapetu,
En un filanguiru dixo:
—¡Abaxo Muñón cimeru!
—Esa ye poca razón,
Faló Liru el de Forniellus,
Que si homes enfocicaus
Hay en Les Puentes con pelu,
Non chamben aquí rosquiyes
Ni azucare los mocecus,
Y saben voltar ablanus
N’ el praducu de Don Restu.
—Mira, Liru, poco picu...
Al oir esto los vieyus
Zapicanon, y á les moces
Entró la cambre y los niervus.
Entóncenes la mozaca
Qu' entamara isti sucesu,
Platiquera cual denguna,
Guapuca; pero con pepu,
Dixo á Pechu: ¡Xenerucu!...
Non busques uñes al guetu.
—¡Congrio!... ¡Viven les Calristes!..
—¡Coni!... ¡Que remangu el pelu!..
Y Pechu y Liru brincanon
Bufando como dos xetus.
El candil á montaraes
Morrú, y, per si había enriedu,
Les mozaques les rodiyes
Con el refaxu xuncienon;
Los niños colaron toos...
Cólica daba á los vieyus
Y Liru gritaba:—¡Coni!...
Y—¡Congrio! gritaba Pechu.
Y de esfocicáes pegase
Quedanon los dos mocecus
Tan fartos como dos chobos
Pe la seronda ó Xunetu!...
Volver a Esquisa literaria
Pasar a información cultural